Флориан Вирц "Барнсли"га қарши кубок ўйинида захирадан майдонга тушди ва ярим соат ўйнади. Бу вақт ичида немис гол уришга ва шеригига голли пас беришга улгурди. Футболчининг ҳаракатларига "Ливерпуль" бош мураббийи Арне Слот баҳо берди.
"Агар сен захирадан майдонга тушиб, ярим соат ичида гол уриб, голли пас бериб, яна бир қанча яхши ҳаракатлар қилсанг, жамоага креативлик қўшдинг, деб бемалол айтиш мумкин. Бугун бизга айнан шу нарса етишмаётганди," - дея Слотнинг сўзларини келтиради BBC.
"Ливерпуль" "Энфилд"да "Барнсли"ни 4:1 ҳисобида мағлуб этди. Англия кубогининг кейинги босқичида Арне Слот жамоаси "Брайтон"ни қабул қилади.
