"Манчестер Юнайтед" Рубен Аморим истеъфога чиқарилгач, янги бош мураббий қидирмоқда.
Indykaila News хабарига кўра, "қизил иблислар" Мадриднинг "Реал" клуби собиқ устози Хаби Алонсони таклиф қилиш вариантини кўриб чиқмоқда. "МЮ" раҳбарияти испаниялик мутахассисга Мадрид жамоасидан истеъфога чиқарилганидан бир неча соат ўтиб эътибор қаратди. Аммо "Манчестер Юнайтед" босслари ҳали Алонсони "МЮ"ни бошқаришга кўндириши керак. Испаниялик бу ишга тайёрми ёки йўқми, ҳозирча номаълум.
Эслатиб ўтамиз, кеча, 12 январь куни "Реал" Хаби Алонсо бош мураббийликдан кетганини расман эълон қилди. У "қаймоқранглилар"ни 2025 йилнинг ёзидан буён бошқариб келаётганди.













