"Ливерпуль" марказий ҳимоячиси Иброҳим Конате катта эҳтимол билан жорий мавсум якунида инглиз топ-клубини тарк этади. Бу ҳақда инсайдер Девид Орнштейн ижтимоий тармоқлар орқали маълум қилди.
Манбага кўра, томонлар ўртасида янги шартнома бўйича музокараларда олдинга силжиш йўқ. Конатенинг "қизиллар" билан амалдаги меҳнат шартномаси 2026 йилнинг ёзида якунига етади.
Аввалроқ матбуотда унга Мадриднинг "Реал" ва Каталониянинг "Барселона" клублари қизиқиш билдираётгани ҳақида хабарлар тарқалган эди.
Англия премьер-лигасининг жорий мавсумида 26 ёшли француз 21 та учрашув ўтказиб, 5 та сариқ карточка олди.
