Хаби Алонсо "Реал" бош мураббийлигидан истеъфога чиқарилгани ҳақида янги маълумотлар пайдо бўлди. Мутахассис Испания Суперкубоги финалида "Барселона"дан учралган мағлубиятдан кейин истеъфога чиқарилган эди.
COPE'га маълум бўлишича, шартномани муддатидан олдин бекор қилгани учун "Реал" Алонсога уч йиллик шартнома учун эмас, фақат жорий мавсум охиригача маош тўлайди. Манбага кўра, мураббийнинг шартномасида махсус банд бўлиб, унга кўра, агар у биринчи иш йилида ишдан бўшатилса, бир мавсум учун пул олади.
19-турдан сўнг "Реал" Испания Ла Лигаси турнир жадвалида 45 очко билан 2-ўринда бормоқда. "Қаймоқранглилар"нинг пешқадам "Барселона"дан ортда қолиши тўрт очкони ташкил этмоқда.
