Мадриднинг "Реал" клуби директори Эмилио Бутрагеньо Хаби Алонсо билан хайрлашиши ҳақида гапирди.
Аввалроқ, "қаймоқранглилар" матбуот хизмати испаниялик мураббий билан шартнома муддатидан олдин бекор қилинганини расман эълон қилганди.
Бутрагеньо "Реал" раҳбарияти Хаби Алонсони истеъфога чиқармагани ҳақидаги маълумотни тасдиқлади.
«Хабининг кетиши томонларнинг ўзаро келишувига кўра амалга оширилди. Унга энг яхши тилакларни тилаймиз», - дея функционернинг сўзларини келтиради журналист Фабрицио Романо.
Алонсо "Реал"ни ўтган йилнинг май ойидан буён бошқариб келаётганди. Унинг қўл остида "қаймоқранглилар" бирорта ҳам соврин қўлга кирита олмади.
