"Барселона" "Манчестер Юнайтед"дан Маркус Рэшфорд трансферини амалга ошириш устида ишламоқда.
Журналист Бен Жейкобснинг маълум қилишича, январь ойида "Барселона" ва "МЮ" вакиллари ўртасида учрашув бўлиб ўтган ва унда Каталония клубида ижара асосида тўп тепаётган ҳужумчининг тўлақонли трансфери вариантлари муҳокама қилинган. "Барселона" Рэшфордни 30 миллион еврога сотиб олиш вариантини фаоллаштирмоқчи эмас - каталонияликлар "МЮ"га камроқ сумма, шунингдек, маълум шартлар асосида сотиб олиш мажбурияти билан футболчини қайта ижарага олиш вариантини таклиф қилди.
Қайд этилишича, "Барселона" Рэшфордни сақлаб қолмоқчи, футболчининг ўзи ҳам уни доимий трансферга қизиқмоқда. Клублар мавсум якунига яқин музокараларни давом эттиришни режалаштирмоқда.
"Барселона" сафида Ла Лигада 18 та ўйинда Рэшфорд 2 та гол урди ва 6 та голли узатмани амалга оширди.
