"Манчестер Сити" бош мураббийи Пеп Гвардиола Англия Лига Кубоги ярим финал дастлабки ўйинида "Ньюкасл" устидан қозонилган ғалабадан сўнг ўз фикрларини билдириб ўтди.
Унда "шаҳарликлар" 2:0 ҳисобида зафар қучди. Учрашувнинг 63-дақиқасида Антуан Семеньонинг голи Эрлинг Холанднинг офсайдда қолиб, тўп узатилган вақтда "Ньюкасл" футболчисига халақит бергани учун инобатга олинмади, ВАР ва ҳакам Крис Кавана 6 дақиқа давомида такрорни ўрганди.
"Тўрт ҳакам ва ВАР қарор қабул қила олмади, бош ҳакамга мурожаат қилишга тўғри келди. Бу қандай ишлашини биламиз, бу бизни кучлироқ қилади. Биз бу вазиятда қандай бўлишимиз керак бўлса, шундай муносабатда бўлдик. Бу ярим финал. Финалга чиқиш учун бор кучимизни сарфлаяпмиз. Биз кучлироқ бўламиз", - деди Гвардиола.
