Сешанба оқшомида "Манчестер Юнайтед" Майкл Кэррикнинг жамоага вақтинчалик бош мураббий этиб тайинланганини расман тасдиқлади. Аввал "МЮ"да ўйнаган ва мураббийлик қилган 44 ёшли англиялик ёзгача шартнома имзолади.
"Майкл - ажойиб мураббий ва у "Манчестер Юнайтед"да натижага эришиш учун нима қилиш кераклигини аниқ билади. У иқтидорли ва интилувчан жамоамизни мавсум охиригача бошқаришга тайёр. Биз мунтазам ва барқарор муваффақиятга эриша оладиган клубни қуришда давом этамиз", - дея "қизил иблислар" спорт директори Жейсон Уилкокснинг изоҳларини келтиради журналист Бен Жейкобс.
Майкл Кэррик ўтган ҳафта бошида истеъфога чиқарилган Рубен Аморим ўрнини эгаллади.
