"Ньюкасл Юнайтед" бош мураббийи Эдди Ҳау Англия Лига Кубоги 1/2 финал дастлабки ўйинида "Манчестер Сити"дан учралган мағлубият (0:2) ҳақида фикр билдирди.
"Сўнгги дақиқаларда ўтказиб юборилган гол жиддий зарба бўлди, аммо ҳозирча ҳалокатли эмас. Биз ҳали ҳам курашдамиз. Менимча, ҳисобни тенглаштириш учун бир дақиқа олдин бироз нўноқлик қилгандирмиз. Ўша пайтда биз яхшироқ ҳимояланишимиз керак эди. Биз мудофаани нотўғри сафладик ва бунинг учун жазоландик. Ўйлашимча, йигитлар шанба кунги узоқ давом этган ўйиндан кейин қийин шароитда бугун бор кучларини беришди ва ўйинимизда бироз чарчоқ сезилди, аммо футболчиларни айблай олмайман", - дея Хаунинг сўзларини келтиради ВВС.
Жавоб учрашуви 4 февраль куни Манчестерда бўлиб ўтади.
