"Барселона" Испания кубоги 1/8 финалидан ўрин олган "Расинг"га қарши ўйинда чемпионлик йўлагидан юради.
Сантандер жамоаси "кўк-анорранглилар"ни 15 январь, пайшанба куни ўз уйида қабул қилади. Diario Sport нашри тарқатган хабарга кўра, учрашув олдидан "Расинг" футболчилари каталонияликларнинг Испания Суперкубогидаги ғалабаси шарафига "Барселона"га чемпионлик йўлагини ташкил этишади. Сегунданинг амалдаги етакчиси турнирда иштирок этмади, аммо анъанадан воз кечмайди.
Эслатиб ўтамиз, Ханс-Дитер Флик жамоаси Суперкубок финалида Мадриднинг "Реал" клубини мағлуб этганди (3:2). "Эль класико" якунлангач, мадридликлар принципиал рақибга чемпионлик йўлагини тақдим этишдан бош тортди.
