"Манчестер Сити" бош мураббийи Хосеп Гвардиола ҳужумчи Эрлинг Холанднинг ҳолати яхши эмаслигини тан олди.
Сешанба куни норвегиялик футболчи Лига кубоги ярим финалида "Ньюкасл"га қарши тўлиқ ўйин ўтказди. Учрашув "шаҳарликлар"нинг ғалабаси билан якунланди (2:0), бироқ юлдуз ҳужумчи самарали ҳаракат қилмади.
- Умид қиламанки, Мармуш тез орада қайтиб келади, шунда биз Холандни дам олдириш имкониятига эга бўламиз. Эрлинг жуда чарчаган!" - дея Гвардиоланинг ўйиндан кейинги журналистлар билан суҳбатидан иқтибос келтиради City Report.
Омар Мармуш Миср терма жамоаси билан Африка кубогидаги иштирокини давом эттирмоқда. Бугун мисрликлар Сенегалга қарши ярим финал баҳсини ўтказади.
