"Ювентус" "Кристал Пэлас" ҳужумчиси Жан-Филипп Матета трансфери устида ишлашда давом этмоқда.
"Кекса синьора" "бургутлар"га француз учун сўров билан мурожаат қилди: итальян клуби 35 млн еврога яқин маблағ тўлашга тайёрлигини билдирди, бироқ лондонликларни бундай таклиф қониқтириши даргумон, дея хабар беради инсайдер Жанлука ди Марцио. Маълумотларга қараганда, "Кристал Пэлас" форвард сотувидан анча кўп - 55-60 млн евро ишлаб олмоқчи.
Матетага "Манчестер Юнайтед" ҳам қизиқиш билдирмоқда. Transfermarkt портали экспертлари 28 ёшли футболчининг нархини 40 млн еврога баҳоламоқда.
