Лондоннинг "Арсенал" клуби марказий ҳимоячиси Вильям Салибанинг фикрича, жамоада мавсумни ғалаба билан якунлаш учун барча имкониятлар бор.

Чоршанба куни "канонирлар" Лига кубоги финалига чиқиш йўлида муҳим қадамни ташлади: "Стэмфорд Бриж"даги биринчи ярим финал учрашувида "Челси" мағлуб этилди (3:2).

"Уч йил кетма-кет мақсадга яқин келдик - бу тажриба бизга кўп нарсани ўргатди. Аммо бу мавсумда ўзимизни бошқача ҳис қиляпмиз. Биз тайёрмиз. "Арсенал" барча турнирларда ғолиблик учун курашишга тайёр. Ҳа, биз ўзимизга ишонамиз. Албатта, сўзда ҳаммаси осон, аммо биз майдонда нима қилиш кераклигини биламиз. Ҳозир бизда ҳаммаси яхши, лекин бу ҳали охири эмас - олдинда беш ой бор. Барча совринларни қўлга киритиш учун бор кучимизни берамиз," - дея Салибанинг сўзларини келтиради журналист Коннор Хамм.