Англия Лига Кубоги ярим финал дастлабки ўйини доирасида "Арсенал" сафарда "Челси"ни мағлуб этди. Ўйин 3:2 ҳисобида якунланди.
"Челси" билан ушбу учрашув "канонирлар" бош мураббийи Микель Артета учун "кўклар"га қарши сафарда ютқазмаган кетма-кет 8-ўйин бўлди. Бунгача "Арсенал" 4 марта ғалаба қозонган ва шунча марта дуранг ўйнаган. Охирги мағлубият 2019 йилда, Артета клубга келишидан олдин содир бўлган.
OptaJoe хабарига кўра, "Арсенал"нинг амалдаги устози "Стэмфорд Бриж"да тўққизта ўйинда (1998 йил сентябридан 2005 йил апрелигача) мағлубиятга учрамаган Арсен Венгер натижасини деярли такрорлади.
"Арсенал" ва "Челси" ўртасидаги Лига кубоги жавоб учрашуви 3 февраль куни бўлиб ўтади.













