"Реал" спорт стратегиясини ўзгартирмоқчи эмас, чунки клуб уни энг мақбул деб ҳисобламоқда. Бу ҳақда AS саҳифаларидаги материалда сўз боради.
"Реал"да трансферларни амалга оширадиган ва жамоа йўналишини белгилайдиган бош мураббий эмас, айнан клуб бўлади.
Манбага кўра, "Реал" таркибда катта ўзгаришлар қилишни режалаштирмаяпти. Испания Суперкубоги ва Кубогидаги муваффақиятсизликлардан кейин таркиб сифатига баҳо берар эканмиз, мадридликлар бунда муаммо кўрмаяпти. "Қаймоқранглилар" келаси мавсумда фақат икки позицияни кучайтиришни режалаштирмоқда - таянч ярим ҳимоячиси ва марказий ҳимоячи.
"Реал" Ла Лига турнир жадвалида "Барселона"дан 4 очко ортда қолиб, 2-ўринда бормоқда.
