Ҳужумчи Жулиано Симеоне Мадриднинг "Атлетико" клуби билан шартномасини узайтирди, унинг мадридликлар билан янги шартномаси 2030 йилнинг ярмига мўлжалланган. Матбуот маълумотларига кўра, унинг шартномасида кўрсатилган тўлов миқдори ҳайратланарли - 500 миллион евро!
Эслатиб ўтамиз, гап яқинда 23 ёшга тўлган футболчи ҳақида кетмоқда. Жулиано Мадриднинг "Атлетико" клуби сафида 78 та ўйинда майдонга тушиб, 8 та гол урган - уни клуб афсонаси деб атаб бўлмайди. Аммо клубни унинг отаси - Диего Симеоне бошқаради.
"Атлетико" айни дамда Испания Ла Лигаси турнир жадвалида тўртинчи ўринда бормоқда.
