Ҳужумчи Умар Мармуш январь ойида "Манчестер Сити"ни тарк этиши мумкин.
ТЕАМtalk хабарига кўра, футболчини "Тоттенхэм" ўз сафига қўшиб олмоқчи. Жамоалар ўртасидаги музокаралар ривожланган босқичда. Футболчининг ўзи шу ойда "Манчестер Сити"дан кетишга тайёр.
Умар Мармуш 2025 йилнинг январида "Айнтрахт"дан 75 миллион евро эвазига "Манчестер Сити"га ўтганди. Унинг "шаҳарликлар" билан шартномаси 2029 йилнинг 30 июнига қадар имзоланган.
Жорий мавсумда ҳужумчи барча мусобақаларда 15 та ўйинда майдонга тушиб, битта гол урди ва битта голли узатмани амалга оширди. Transfermarkt портали Мармушни 65 миллион еврога баҳоламоқда.













