Франция футбол федерацияси (FFF) Зинедин Зиданни мамлакат терма жамоаси бош мураббийи лавозимига тайинлаш бўйича расмий қадамларни бошлади. Бу ҳақда L'Équipe нашри хабар бермоқда.
Манбага кўра, томонлар ўртасидаги музокаралар махфий тарзда олиб борилмоқда ва айни пайтда дастлабки босқичда турибди. Бундай даражадаги мутахассисни тайинлаш бир қатор масалалар бўйича келишувни талаб қилади, айниқса жамоа таркиби ва мураббийлар штаби фаолиятига оид жиҳатларда.
Қайд этилишича, музокаралар муваффақиятли якунланган тақдирда, Зидан олдида турган илк вазифалардан бири Франция терма жамоаси мураббийлар штаби ташкилий тузилмасини қайта шакллантириш, ўз мутахассисларини жамоага интеграция қилиш ва иш фалсафасини ўзгартириш бўлади.
Аввалроқ ОАВ Мадриднинг «Реал» клуби Зиданни қайтадан жамоага қайтариш истагида экани, бунинг учун уни Франция терма жамоаси билан ишлашдан воз кечишга кўндиришга уринаётгани ҳақида хабар қилган эди.













