"Барселона" мавсум якунлангач, Маркус Рэшфордни олиб қолмоқчи. Англиялик футболчи жорий йилнинг июнь ойи охиригача "Манчестер Юнайтед"дан ижарага олинган.

Barca Universal хабарига кўра, каталонияликлар аллақачон 28 ёшли футболчини олиб қолиш режасини ишлаб чиқмоқда ва вариантлардан бири - бироз қўшимча тўлов эвазига ижара муддатини яна бир йилга узайтириш. Шунингдек, дастлаб келишилган 30 млн ўрнига 20-25 млн еврога сотиб олиш имконияти ҳам кўриб чиқилмоқда. Ниҳоят, учинчи сценарий - товон пулини камайтириш учун келишувга бошқа футболчиларни қўшиш.

Маркус Рэшфорд "кўк-анорранглилар" сафида барча мусобақаларда 28 та ўйинда 7 та гол ва 11 та голли узатмани ўз ҳисобига ёздириб қўйди.