"Ливерпуль" бош мураббийи Арне Слот қишки трансферлар ойнасида қандай сотувлар амалга оширилиши мумкинлиги ҳақидаги саволга жавоб берди.
Миш-мишларга кўра, "қизиллар"нинг баъзи футболчиларига бошқа клублар қизиқиш билдирмоқда. Масалан, қанот ҳужумчиси Федерико Кьеза яна "Ювентус"га қайтиши мумкин.
"Харидлар билан бўлгани каби, биз ҳеч нарсани истисно қилмаймиз - клубнинг позицияси ҳар доим шундай бўлган. Агар мен, спорт раҳбарияти ва клуб хўжайинларни қониқтирадиган таклиф олсак - бу имкониятни кўриб чиқамиз ва барча томонлар учун фойдали қарор қабул қилишга ҳаракат қиламиз," - деди Слот шанба куни "Бёрнли"га қарши ўйин олдидан.
