Бразилия терма жамоаси ўтмишининг буюк футболчиларидан бири Зико мураббийлик фаолиятини Қатар чемпионатида давом эттирадиган бўлди. Бу ҳақда goal.com сайти хабар бермоқда.
60 ёшли мутахассис 6 август куни "Ал-Гарафа" билан икки йиллик шартномага имзо чеккан ва аллақачон янги лавозимида расман таништирилган ҳам.
Қайд этиш жоиз, Ўзбекистон терма жамоаси собиқ бош мураббийининг сўнгги иш жойи Ироқ термаси бўлганди. Бразилиялик ушбу жамоадаги фаолиятини ўтган йили кузида якунлаган.
"Ал-Гарафа билан шартнома имзолаганимдан жуда хурсандман. Бу мен учун жуда яхши имконият бўлди", дейди Зико янги иш жойидаги илк интерьвюсида.
