Бразилиялик ҳимоячи Тьяго Силва Португалия Кубоги чорак финали доирасида "Порту"нинг ўз майдонида Лиссабоннинг "Бенфика" жамоасига қарши кечган учрашувида иштирок этди. Унда мезбонлар Жозе Моуриньо шогирдларини минимал ҳисобда мағлуб этишди - 1:0.
SporF хабарига кўра, бразилиялик футболчи 41 ёш-у 3 ойлигида майдонга тушди. Тьяго бу орқали "Порту" сафида майдонга тушган энг кекса футболчига айланди.
Силва январь ойида эркин агент сифатида Португалия топ-клуби сафига қўшилганди. Бразилиялик тажрибали футболчи "аждарлар" билан 2026 йилнинг июнь ойи охиригача мўлжалланган қисқа муддатли меҳнат шартномасини имзолади.
