"Арсенал"да ҳужумкор ярим ҳимоячи Итан Нванерини ижарага бериш истаги йўқ.
18 ёшли ўсиб келаётган юлдузни ижарага олиш учун Лондоннинг бошқа бир клуби - "Вест Хэм" тайёр эди. "Тўпчилар" "болғачилар"га рад жавобини беришди, деб хабар беради Football London.
"Арсенал"дагилар вазиятнинг вақтинчалик ўзгариши ёш инглиз фойдасига хизмат қилишига ишонмаяпти.
Итан Нванери жорий мавсум Микель Артета жамоасининг 12 ўйинида майдонга тушди. Футболчининг амалдаги меҳнат шартномаси 2030 йилнинг ярмигача мўлжалланган бўлиб, унинг қиймати Transfermarkt портали баҳосига кўра 40 млн еврони ташкил этади.
