Винисиус Жуниорнинг "Реал"даги келажаги ҳамон саволлар остида қолмоқда. Клуб раҳбарияти бразилияликни қўллаб-қувватламоқда, мураббий Альваро Арбелоа ҳам юлдуз ҳужумчига умид қилмоқда, аммо футболчининг кетиши эҳтимоли юқори.
Marca хабарига кўра, "Реал"дагилар аввалгидек Винисиуснинг маош бўйича талабларини ошиб кетган деб ҳисоблайди. Бундан ташқари, футболчининг клуб мухлислари билан бузилган муносабатларини тиклаш жуда мушкул - мухлисларга унинг хатти-ҳаракатлари ёқмаяпти.
Аввалроқ турли манбалар Винисиус келаси ёзда сотилиши мумкинлиги ҳақида хабар берган эди. Transfermarkt портали 150 млн еврога баҳолаган ҳужумчига Европа грандлари ва Саудия Арабистони чемпионати вакиллари қизиқиш билдирмоқда.
