Vinisius Juniorning "Real"dagi kelajagi hamon savollar ostida qolmoqda. Klub rahbariyati braziliyalikni qo‘llab-quvvatlamoqda, murabbiy Alvaro Arbeloa ham yulduz hujumchiga umid qilmoqda, ammo futbolchining ketishi ehtimoli yuqori.

Marca xabariga ko‘ra, "Real"dagilar avvalgidek Vinisiusning maosh bo‘yicha talablarini oshib ketgan deb hisoblaydi. Bundan tashqari, futbolchining klub muxlislari bilan buzilgan munosabatlarini tiklash juda mushkul - muxlislarga uning xatti-harakatlari yoqmayapti.

Avvalroq turli manbalar Vinisius kelasi yozda sotilishi mumkinligi haqida xabar bergan edi. Transfermarkt portali 150 mln yevroga baholagan hujumchiga Yevropa grandlari va Saudiya Arabistoni chempionati vakillari qiziqish bildirmoqda.