Эмилиан Карас "Пахтакор"да Камолиддин Тожиевга ёрдам беради. Бу ҳақда "шерлар" матбуот хизмати хабар берди.
2020 йилдан Мирча Луческонинг асосий ёрдамчиларидан бири бўлган мутахассис "Динамо" Киевда 2020 йилдан бери фаолият олиб бориб келган. Украина чемпиони, "Алания", "Кубань", "Динамо" (Москва), Қатарнинг "Ал Арабий" ва БААнинг "Ан-Насср" жамоаларида ҳам ёрдамчи мураббийи лавозимида ишлаган.
Молдовалик мутахассис футболчилик фаолиятида ҳимоячи амплуасида тўп тепган ва асосий карьерасини ўз мамлакатида ўтказган. 1991 йил "Пахтакор" Марказий стадионида "шерлар"га қарши майдонга чиққан.
"Ўз пайтида Собиқ Иттифоқнинг, бугунги кунда Осиёда ўз ўрнига эга Ўбекистоннинг энг зўр жамоасида фаолият олиб бориш мен учун завқли бўлади. Бош мураббийга қўлдан келганча ёрдам бераман. Ниятим, жамоамга нафим теккан ҳолда мамлакати чемпионлигини қўлга киритиш", - дейди Эмилиан Карас.
