"Рома"да ижара асосида тўп тепаётган "Брайтон" ҳужумчиси Эван Фергюсон фаолиятини Италиянинг бошқа бир клубида давом эттириши мумкин. Бу ҳақда Corriere dello Sport хабар берди.
Манбага кўра, ирландиялик футболчининг трансферига "Наполи" қизиқиш билдирмоқда. Неаполликлар жамоани нидерландиялик Ноа Ланг тарк этса, ҳужумни кучайтиради.
21 ёшли Фергюсон Италия чемпионатининг жорий мавсумида 16 та ўйин ўтказди. Ирландиялик ҳужумчи 3 та гол ва 2 та голли узатмага муаллифлик қилди.













