"Бавария" Германия чемпионатининг 18-турида "РБ Лейпциг"ни 5:1 ҳисобида мағлубиятга учратди.
Ушбу учрашувда Мюнхен жамоаси дарвозасини Мануэль Нойер қўриқлади, у учун бу ўйин "Бавария"даги фаолиятидаги 584-ўйин бўлди.
Бу кўрсаткич бўйича Нойер Франц Беккенбауэрга етиб олди ва жамоа тарихида энг кўп ўйин ўтказган футболчилар кучли бешлигига кирди.
Энди "Бавария" сафидаги ўйинлар сони бўйича Нойер фақатгина Герд Мюллер (613), Оливер Кан (632), Зепп Майер (709) ва Томас Мюллердан (756) ортда қолмоқда.













