"Интер" Мадриднинг "Реал" клуби ҳужумкор ярим ҳимоячиси Арде Гулерга қизиқиш билдирмоқда. Италия клуби 20 ёшли футболчини келаси ёзда юлдузли харид сифатида кўрмоқда. Бу ҳақда журналист Экрем Қўнур Х ижтимоий тармоғидаги саҳифасида маълум қилди.
Манбага кўра, туркиялик хавбек бор эътиборини "қаймоқранглилар" сафида ўйнашга қаратган ва асосий таркиб учун курашмоқчи. Таъкидланишича, қишки трансферлар вақтида "Арсенал" Гулернинг эҳтимолий трансфери бўйича мурожаат қилган, бироқ у Испания грандида қолишга қарор қилган.
Жорий мавсумда ярим ҳимоячи барча мусобақаларда 30 та ўйинда майдонга тушиб, 3 та гол ва 10 та голли узатмага муаллифлик қилди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган.
