"Inter" Madridning "Real" klubi hujumkor yarim himoyachisi Arde Gulerga qiziqish bildirmoqda. Italiya klubi 20 yoshli futbolchini kelasi yozda yulduzli xarid sifatida ko‘rmoqda. Bu haqda jurnalist Ekrem Qo‘nur X ijtimoiy tarmog‘idagi sahifasida ma’lum qildi.

Manbaga ko‘ra, turkiyalik xavbek bor e’tiborini "qaymoqranglilar" safida o‘ynashga qaratgan va asosiy tarkib uchun kurashmoqchi. Ta’kidlanishicha, qishki transferlar vaqtida "Arsenal" Gulerning ehtimoliy transferi bo‘yicha murojaat qilgan, biroq u Ispaniya grandida qolishga qaror qilgan.

Joriy mavsumda yarim himoyachi barcha musobaqalarda 30 ta o‘yinda maydonga tushib, 3 ta gol va 10 ta golli uzatmaga mualliflik qildi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan.