Франция чемпионатининг 18-турида "Лион" ўз майдонида "Брест"ни мағлуб этди - 2:1.

Мезбонлар сафида голларга ҳимоячи Винисиус да Силва Сантос Абнер ва ярим ҳимоячи Павел Шульц муаллифлик қилди. Меҳмонларнинг ягона тўпи ярим ҳимоячи Жуниор Дина Эбимбе ҳисобига ёзилди.

19-дақиқадан бошлаб "Брест" бир киши кам бўлиб ўйнади - ҳужумчи Ромен Дель Кастильо тўғридан-тўғри қизил карточка олди. 60-дақиқада VAR'нинг кўрсатмасидан сўнг 2:0 ҳисоби вақтида Шульцнинг голи инобатга олинмади.

"Лион" барча мусобақаларда кетма-кет олтита ўйинда ғалаба қозонди. У 18 ўйиндан кейин 33 очко билан Франция чемпионати жадвалида тўртинчи ўринда бормоқда. "Брест" (18 ўйиндан сўнг 22 очко) 10-поғонадан жой олган.

Лион - Брест - 2:1

Голлар: Шульц, 41 (1:0). Абнер, 45 (2:0). Дина Эбимбе, 87 (2:1)

Лион: Грейф, Клюйверт, Мата, Тальяфико, Мэйтланд-Найлс (Мангаля, 74), Мортон, Тессманн (Мера, 74), Абнер (Хатебур, 90), Морейра, Шульц, Эндрик (Карабец, 89)

Брест: Кудер, Шардонне, Кулибали, Локо (Зогбе, 81), Лала (Дина Эбимбе, 81), Тузар (Гуиндо, 69), Магнетти, Шотар, Лабо Ласкари (Мбуп, 57), Дель Кастильо, Айорк (Думбия, 69)

Огоҳлантиришлар: Мэйтланд-Найлс, 47. Абнер, 86

Четлатиш: Дель Кастильо, 19