"Реал" собиқ бош мураббийи Хаби Алонсо ишга қайтишга шошилмаяпти. Испаниялик мутахассис ўтган душанба куни лавозимидан озод этилган эди.
Шундан сўнг Алонсо билан турли клублар, асосан Англия жамоалари қизиқиш билдираётгани ҳақида хабарлар пайдо бўлди. Times Sport маълумотига кўра, мутахассис Премьер-лигада ишлаш истиқболини жозибали деб билади, бироқ жорий мавсум якунига қадар дам олиш ниятида. Алонсо июнь ойида келиб тушадиган барча таклифларни кўриб чиқади.
Хаби Алонсо ўтган йил ёзи бошидан бери «Реал»ни бошқариб келган, ундан аввал эса "Байер"да муваффақиятли фаолият олиб борган эди. "Қаймоқранглилар" бош мураббийи лавозимига Альваро Арбелоа тайинланди.
