"Астон Вилла" бош мураббийи Унаи Эмери жамоасининг чемпионатни топ-5да якунлаш имкониятлари ҳақида фикр билдирди. 18 январь куни бўлиб ўтган мамлакат чемпионатининг 22-тур ўйинида «Астон Вилла» ўз майдонида "Эвертон"га 0:1 ҳисобида мағлуб бўлди.
«Биз топ-5 учун даъвогар эмасмиз. Ҳа, ҳозирча у ердамиз, аммо даъвогарлар қаторига кирмаймиз. Биздан кўра салоҳияти юқори бўлган жамоалар бор», — деди мутахассис Sky Sports телеканалига берган интервьюсида.
Эмери нима сабабдан шундай фикрда эканини изоҳлаб беришдан бош тортди ва шундан сўнг интервью якунланди.
Ҳозирда «Астон Вилла» 43 очко билан турнир жадвалида учинчи ўринни эгаллаб турибди. Худди шунча очко "Манчестер Сити"да ҳам бор, пешқадам "Арсенал" эса 50 очко жамғарган.
