"Реал" бош мураббийи Альваро Арбелоа Ла Лиганинг 20-турида "Леванте"га қарши ўйинда (2:0) "қаймоқранглилар" мухлисларининг қанот ҳужумчиси Винисиус Жуниорга нисбатан ҳуштакбозлигига муносабат билдирди.
"Вини "Бернабеу" қўллаб-қувватлашини олишни истайди ва умид қиламанки, у бунга эришади. Барча футболчилар каби. Вини кўп йиллардан бери бу ерда ўз тарихини ёзиб келмоқда. У бизга икки марта Чемпионлар лигаси совринини тақдим этди. У эса ўзини энг яхши томондан кўрсатиши учун "Бернабеу" қўллаб-қувватлашига муҳтож.
У жуда ҳиссиётли. Мураббий сифатида мен Винисиус ва жамоадаги барча футболчилар учун "Бернабеу" қўллаб-қувватлашини кўришни истайман", — дея Арбелоанинг сўзларини келтиради Mundo Deportivo.
