Френки де Йонг ва Фермин Лопес "Реал Сосьедад"га қарши ўйинда (1:2) ҳакамлар фаолиятини танқид қилгани учун жазоланмайди.
Эслатиб ўтамиз, нидерландиялик ярим ҳимоячи шундай деган эди:
"Хиль Мансано менга худди: «Мен сендан устунроқман», деб қараётгандек туюлди. У ўзини бундай тутмаслиги керак. Ямалнинг голи пайтида офсайдни кўрмадим".
Испаниялик ярим ҳимоячи эса Ламин Ямальнинг бекор қилинган голи юзасидан VAR кўриб чиқилаётган кадрни кулувчи эмодзилар билан ўз Instagram саҳифасига жойлаб, қарорни масхара қилди.
As маълумотига кўра, Қироллик Испания футбол федерациясининг интизом қўмитаси (RFEF) "Барселона" — яъни "кўк-анорранглилар" футболчиларига нисбатан ҳеч қандай санкция қўлламайди.
