Frenki de Yong va Fermin Lopes "Real Sosyedad"ga qarshi o‘yinda (1:2) hakamlar faoliyatini tanqid qilgani uchun jazolanmaydi.
Eslatib o‘tamiz, niderlandiyalik yarim himoyachi shunday degan edi:
"Xil Mansano menga xuddi: «Men sendan ustunroqman», deb qarayotgandek tuyuldi. U o‘zini bunday tutmasligi kerak. Yamalning goli paytida ofsaydni ko‘rmadim".
Ispaniyalik yarim himoyachi esa Lamin Yamalning bekor qilingan goli yuzasidan VAR ko‘rib chiqilayotgan kadrni kuluvchi emodzilar bilan o‘z Instagram sahifasiga joylab, qarorni masxara qildi.
As ma’lumotiga ko‘ra, Qirollik Ispaniya futbol federasiyasining intizom qo‘mitasi (RFEF) "Barselona" — ya’ni "ko‘k-anorranglilar" futbolchilariga nisbatan hech qanday sanksiya qo‘llamaydi.
