"Барселона" ярим ҳимоячи Дро Фернандесни ҳозирча Франциянинг "ПСЖ" клубига қўйиб юборгани йўқ.
Sport.es маълумотларига кўра, "кўк-анорранглилар" 18 ёшли футболчини сотишдан 10 миллион евро ишлаб олишни истамоқда. ОАВда ёзилганидек, 6 миллион евро каталонияликларни қониқтирмайди. Шунингдек, клуб футболчини фақат тўлиқ трансфер орқали қўйиб юбориш ниятида — шартнома якунида "Барселона" уни бепул йўқотишни хоҳламаяпти.
Жорий мавсумда ярим ҳимоячи "Барселона" сафида 5 та учрашувда майдонга тушди. Transfermarkt мутахассислари Фернандеснинг бозор қийматини 10 миллион евро деб баҳоламоқда.
