"Тоттенхэм" бош мураббийи Томас Франк яна бир бор жамоа ҳужумчиси Матис Телни Чемпионлар лигаси учун қайдномадан чиқариб ташлади.

Инсайдер Фабрицио Романо хабар беришича, Франк қайдномада Доминик Соланке учун жой очган ва ягона вариант Телни рўйхатдан чиқариш бўлган. Қайд этилишича, француз ҳужумчиси ва унинг атрофидагилар бу қарордан жуда норози.

Эслатиб ўтамиз, аввал бошда Тель жорий мавсум Чемпионлар лигасининг умумий босқичи учун қайдномага киритилмаган эди, кейинчалик эса Франк уни рўйхатга қўшган.

Жорий мавсумда 20 ёшли Тель барча мусобақаларда 20 та ўйинда майдонга тушиб, 3 та гол урган.