"Реал"нинг собиқ ҳужумчиси ва мураббийи Хорхе Вальдано Альваро Арбелоанинг клубга қарши кампаниялар ҳақидаги сўзларига изоҳ берди.

Ла Лиганинг 20-туридан ўрин олган "Леванте"га қарши ўйинда мадридликлар мухлислари "Флорентино, кет!" дея ҳайқиришди. Шунингдек, ўйин олдидан Пересни танқид қилган баннерлар пайдо бўлди. Арбелоа: "Бу иш билан "Мадрид"ни ёқтирмайдиганлар шуғулланади", деди.

"У бунинг ортида нима турганини билишини айтди. У, албатта, мендан кўра кўпроқ маълумотга эга, чунки мен клуб атрофидаги барча, айтайлик, сиёсий найранглардан мутлақо бехабарман.

Уларни ошкор қилиш яхши фикр эмаслигига ишончим комил эмас, чунки бу фақат клуб имиджини бузади. Клуб барчамизники", - деди Вальдано.