Инсайдер Фабрицио Романонинг хабар беришича, "Арсенал" ҳужумкор ярим ҳимоячиси Итан Нванери фаолиятини "Марсель"да давом эттиради.
Ижара июнь ойи охиригача давом этади, клублар ўртасида сотиб олиш тўғрисида ҳеч қандай банд бўлмайди, ёзда Итан Лондон клубига қайтади.
Қайд этилишича, келишувга "Марсель" бош мураббийи Роберто де Дзерби ва "Арсенал" устози Микель Артета ўртасидаги суҳбат таъсир кўрсатган.
Эслатиб ўтамиз, Нванери "Арсенал" тарбияланувчиси бўлиб, у эндигина 18 ёшда. У жорий мавсумда бор йўғи 12та ўйинда майдонга тушиб, 1та гол урган. Ёш футболчининг "канонирлар" билан шартномаси 2030 йилнинг ёзига қадар мўлжалланган.
