"Барселона" Чемпионлар лигаси асосий босқичида қолган икки ўйинни ҳам ғалаба билан якунлашни мақсад қилган. Бу ҳақда каталонияликлар бош мураббийи Ханс-Дитер Флик маълум қилди.
Унинг фикрича, клуб иштирок этаётган ҳар қандай мусобақада чемпионликдан бошқа мақсад бўлиши мумкин эмас.
"Славия" жуда яхши ҳимояланади ва юқори прессинг қўллайди. Бу ўйинга тайёргарлик кўриш учун етарли вақтимиз бўлди. Асосий босқичдаги қолган икки ўйинни ҳам ютишни истаймиз", — дея мутахассиснинг сўзларини UEFA матбуот хизмати келтирди.













