Лондоннинг "Арсенал" клуби ҳужумчиси Габриэль Жезус клубни тарк этиши мумкинлиги ҳақидаги турли миш-мишларга қарамай, клубда қолиш истагини билдирди. Бу ҳақда инсайдер Экрем Конур хабар бермоқда.
Манбага кўра, 28 ёшли бразилиялик футболчи "Арсенал" билан 2027 йилнинг ёзида тугайдиган меҳнат шартномасини узайтирмоқчи.
Жезус "канонирлар" сафида 2022 йилдан буён тўп суриб келмоқда. У жорий мавсумда барча мусобақаларда 12 та ўйинда майдонга тушиб, 3 та гол урди ва 1 та голли узатмани амалга оширди.
Transfermarkt маълумотларига кўра, Жезуснинг нархи 20 миллион еврога тенг.
