Мадриднинг "Реал" клуби футболчиси Франко Мастантуоно жамоадоши Винисиус Жуниорнинг муаммолари ҳақида қандай фикрда эканини айтди.

Сўнгги пайтларда бразилиялик футболчини "Сантьяго Бернабеу"да тез-тез ҳуштакбозлик қилишмоқда. Чемпионлар Лигасида "Монако"га қарши ўйинда ҳам (6:1) худди шундай бўлди, аммо "қаймоқранглилар" мухлисларининг бир қисми Винисиусни олқишлаб қўллаб-қувватлади. Ҳужумчи ўз ҳисобига гол ва иккита голли узатмани ёздириб қўйиб, кечанинг қаҳрамонига айланди.

"Килиан [Мбаппе] айтганидек, мухлислар фақат Винини ҳуштакбозлик қилгани адолатдан эмас. Сўнгги пайтлардаги муваффақиятсизликларимизда барчамиз айбдормиз," - дея "Монако" билан ўйинда ўзини кўрсатган Мастантуононинг сўзларини келтиради Madrid Xtra.

Айнан Винисиус беллашувнинг энг яхши футболчиси деб топилди.