Лондоннинг "Арсенал" клуби ва Франция терма жамоасининг собиқ ярим ҳимоячиси Эммануэль Пети "ПСЖ" дарвозабони Люка Шевальенинг Европа Чемпионлар Лигаси умумий босқичи доирасида Лиссабоннинг "Спортинг" клубига қарши сафар ўйинидаги ҳаракатларини баҳолади.
Учрашувда парижликлар 1:2 ҳисобида имкониятни бой беришди.
"Биринчи ўтказиб юборилган гол учун Шевалье айбдор эмас, иккинчиси ҳақида эса бундай деб бўлмайди. Доннаруммани тез-тез танқид қилишса-да, у ҳар доим муҳим ўйинларда яхши ўйнаган. Иккинчи гол урилган вазиятда Люка довдираб қолди. У қўпол хатога йўл қўйди деб ўйлайман. Агар клуб чемпион бўлишни истаса, бундай дарвозабонга ишониб бўлмайди", - дея Эммануэлнинг сўзларини келтиради RMC Sport.
