Европа Чемпионлар Лигаси мусобақасининг умумий босқичида Лиссабоннинг "Спортинг" клуби ўз майдонида "ПСЖ"ни сенсацион тарзда 2:1 ҳисобида мағлуб этди.
Бу натижа ҳақида португалияликлар устози Руй Боржес ўз фикрларини билдириб ўтди.
"Бизга жуда кучли жамоа қаршилик кўрсатди. Бу учрашувда кўп нарса хавф остида эди. Йигитларим ҳақли равишда ғалаба қозониб, номларини тарихга муҳрлашди. "Спортинг" ўз майдонида ютқазмаяпти ва Европанинг амалдаги чемпионини мағлуб этмоқда. Биз энг кучлилар билан курашишда давом этамиз," - дея мураббийнинг сўзларини келтиради УEФА матбуот хизмати.
Ғалабадан сўнг "Спортинг" 13 очко жамғариб, турнир жадвалида олтинчи ўринда бормоқда.
