"Реал" "Ал-Ҳилол" яримҳимоячиси Рубен Невешни ўз сафига қўшиб олмоқчи.
АS хабарига кўра, португалиялик Саудия клубини тарк этишга тайёр, "қаймоқранглилар" эса хавбек трансфери вариантини кўриб чиқмоқда. "Реал"дагиларнинг фикрича, "Ал-Ҳилол" ўз футболчисини 26 миллион еврога сотишга тайёр.
Рубен Невеш 2023 йилда "Ал-Ҳилол"га "Вулверхэмптон"дан 55 миллион евро эвазига ўтганди. Унинг шартномаси 2026 йилнинг 30 июнига қадар имзоланган. Жорий мавсумда португалиялик футболчи Саудия Арабистони клуби сафида барча мусобақаларда 21 та ўйинда майдонга тушиб, 8 та гол урди ва 4 та голли узатмани амалга оширди.
Эслатиб ўтамиз, Рубен Невеш трансферига "Манчестер Юнайтед" ҳам қизиқиш билдирмоқда.
