"Манчестер Юнайтед" ярим ҳимоячиси Кобби Майну клуб билан шартномасини узайтириши мумкин.
20 ёшли футболчи доимий ўйин амалиётига эга бўлмагани учун Рубен Аморим мураббий бўлган вақтида ижарага кетмоқчи эди, аммо энди вазият ўзгарди. Журналист Роб Дорсетнинг маълум қилишича, клуб Майну билан янги шартнома ва маошни ошириш бўйича музокараларни бошлашни режалаштирмоқда. "Қизил иблислар" раҳбарияти хавбекни лойиҳанинг узоқ муддатли истиқболида муҳим шахс сифатида кўрмоқда.
Аввалроқ, Кобби Майнуга Италиянинг "Наполи" клуби қизиқиш билдирган эди. Инглизнинг амалдаги келишуви 2027 йилнинг ўрталарига қадар мўлжалланган ва бир йилга узайтириш имкониятини назарда тутади.
