Саудия Арабистони чемпионати клублари 2026 йилги жаҳон чемпионатидан кейин 50 дан ортиқ янги футболчи билан шартнома имзолашни режалаштирмоқда.
Бу ҳақда ижтимоий тармоқлар орқали инсайдер Бен Жейкобс маълум қилди. Манбага маълум бўлишича, ушбу рўйхатдан Муҳаммад Салоҳ, Бруну Фернандеш, Каземиро, Габриэль Мартинелли, Винисиус Жуниор, Роберт Левандовски, Юри Тилеманс ва Амаду Онана ўрин олган.
Саудия Арабистони чемпионатининг жорий мавсумида "Ал-Ҳилол" 44 очко билан биринчи ўринни эгаллаб турибди. Иккинчи ўринда 7 очколик фарқ билан "Ан-Наср" бормоқда.













