"Бавария" бош мураббийи Венсан Компани босниялик ҳужумчи Эдин Жеконинг Германиянинг "Шальке-04" клубига ўтиши ҳақида гапирди. Улар аввалроқ Англиянинг "Манчестер Сити" жамоасида бирга тўп тепишган.
"Унинг бу даражада узоқ вақт ўйнашда давом этиши кўп жиҳатдан унинг профессионаллиги билан изоҳланади. Биз ҳар доим бу ҳақда Мануэль Нойер билан ҳам гаплашамиз, бу ёшда улар қандай қилиб яхши формада бўлишлари мумкин - бу профессионаллик дегани!
Қандай қилиб гол уришни ҳеч қачон унутмайсан. Ҳозирги босқичда унинг трансфери "Шальке" учун жуда муҳим бўлиши мумкин. У менинг фаолиятимда жуда муҳим бўлгани учун унга энг яхши тилакларимни билдираман!" - дея Компанининг сўзларини келтиради "Бавария" матбуот хизмати Х ижтимоий тармоғида.
