"Атлетико Минейро" ҳужумчиси Халк Қозоғистонга кўчиб ўтиши мумкин. Бу ҳақда инсайдер Иван Карпов маълум қилди.
Манбага кўра, бразилиялик футболчига "Актобе" қизиқиш билдирмоқда. Бироқ, бир муаммо бор - Қозоғистон клуби раҳбарияти Халкнинг молиявий талабларини қондира олмаяпти, шу сабабли музокаралар тўхтатилди. Қайд этилишича, форвард йилига 2 млн евро маош олишни мўлжалламоқда.
Аввалроқ, "Актобе" "Манчестер Юнайтед" ва Португалия терма жамоасининг собиқ вингери Луиш Нани ҳамда "Барселона", "Ювентус" ва ЦСКА клубларининг собиқ ярим ҳимоячиси Миралем Пьянич билан шартнома имзолашни режалаштираётгани ҳақида хабар берилганди.
2025 йилда Халк 61 та ўйинда майдонга тушиб, 21 та гол урди ва саккизта голли узатмани амалга оширди.
